For best browsing use


  

  لاطـلال سلمـى



ماجد ساوي







لاطـلال سلمـى والسوافـيْ سِعـيـرة



باقصىْ المحَانِـيْ عـنْ لُواهِيـبْ جيـرة



مربـاعْ حـرّ ٍ يفضـخْ القلـبْ طـيـرهْ



منّـه حَطّـبْـه ُ وفــيْ تـرابـهْ جمـيـرِهْ



يشـدىْ ظــلال ٍ بــاردَ الـمَـا يصـبّـه



جـالٍ عليـه ْ وفـوقْ جــال ٍ مسـيـرهْ



لا إنـسْ تلقـىْ بــه ْ ولا جــنْ حـتّـى



مقـروطْ قرطْـة خـاتـم ٍ او شعـيـرةْ



يـلـوجْ فـيـهْ العـبـدْ تـنـجـمْ جـهـاتـه ْ



مايستترْ بـه ْ والهبايـبْ ستيـرةْ



تقـلْ صـحـون ٍ والمعالـيـقْ تـغـرف



غرفْ الجياعْ بأرضْ عطشـا عسيـرةْ



سبـع ٍ سبـاعْ وثامـن السـبـعْ مــوتٍ



ساقـهْ مـسـاقْ معـصَّـب ٍ للشطـيـرة



الاولــة ْ حبـسـةْ نـفـسْ لــو تـطـوّل



لا ماجْ وقـت ٍ موجـة لـهْ خطيـرة



لاتـرحـمْ حـلــوقٍ ولا تـتــركْ افـــواه ْ



تقـل مساميـرْ بخشـبْ مـا تـديـرهْ



والثانـيـةْ تـتـركْ لــك الـقـلـبْ شـقـيـنْ



شقـيـنْ والثـالـثْ تشـقّـهْ بـزيــرهْ



يـخـرْ خــرةْ عـابـد ٍ فــي صـلاتــه ْ



أو عجلـة ٍ شافـتْ حبـاري مغـيـرة



والثالـثـة ْ لا مــن تـسـاوتْ بعـيـنـكْ



ترقـىْ بحلقـك ْ والحنايـا ْ أسـيـرةْ



الصـدرْ مثـلْ مثولـث ٍ مـابـه الـعـودْ



بــراسْ خـالـيْ تـقـلْ تـالـيْ ظفـيـرةْ



والرابعةْ لا تسأل منيـنْ هالصـوت ْ



حنـيـنْ ضـلـع ٍ والمكـاسـرْ مصـيـرهْ



أوْ جِـردْ فيـهـنْ لاعـبـاتْ الــذواريْ



عروسـهـنْ فــي كــل حـيـنْ مـذيـرةْ



والخامـسـةْ تـقـدحْ وتـقـدحْ بـبـارودْ



ترمـيْ دمـاغ ٍ ضـاع ْ مــن يستشـيـرهْ



كبـارْ الدلـيْ صغـارْ وقلبانـه وغــاطْ



لا تـلْ تـل ْالقـاعْ وقـاعـهْ غـزيـرةْ



والسادسـة منهـا المعـاطـبْ تنـاسـلْ



الاولــة مـاتــدريْ ويـــن الاخـيــرةْ



جمعـت ْ منهـا ماجتمـعْ شــيْ منـهـا



وهـيْ جامعتنـيْ جمـعْ وحـدةْ خبيـرةْ



والسابعـةْ تغـرفْ مـن القـلـبْ دمّــه



وتكسرْ عليهْ ضلوعـهْ اللـي تجيـرهْ



اطــلالْ سلـمـىْ كالشـفـقْ للمصـلـيْ



او صايـم ٍ تفطـرْ عليـه ْ التمـيـرةْ



اطلالهـاْ فيهـنْ مــن النـفـسْ حـاجـةْ



والعـيـنْ منـرمـدةْ وعـيـن ٍ قـريــرةْ



مايقـضـنْ لبـاغـيْ حـوايـجْ ولاهــنْ



الا رهـاريــه ٍ سـمـاهــنْ مـطـيــرةْ



عـجــز ٍ تـسـامـرْ والمسـابـيـحْ خـلــقْ



طـوالَ العصايـبْ والسوالـفْ سمـيـرةْ



يلـهـىْ بـهـنْ عـيّــل ْ تـحــزمْ قـرونــهْ



مكـحـل ٍ مـاهـيْ تراكـيـه ْ عـيــرةْ



أوجـسـتْ منـهـا لاســعْ القـلـبْ بـــاردْ



يومْ خطرتْ لي البيضـة المستديـرةْ



أوجـسـتْ منـهـا لاســعْ الـكـبـد بـــاردْ



يــوم ٍ سلـمـىْ زولْ سلـمـىْ تـديــرهْ



عـنـقـودْ مــنّــه مـاتـدلــىْ وعـنـقــودْ



فاحـتْ دلالـهْ والمقـهـويْ عبـيـرهْ



سلمى كما إبريق ٍ من العاجْ مصبـوبْ



بيـضـا فـلاهـي صـفــرة ولا حـمـيـرة



عـلـى بـيــاض الـثـلـجْ فـيـهـا زيـــادةْ



وكــل لــون ٍ يعتبـرهـا خـشـيـرةْ



فترانـة عـيـون ٍ وبحجاجـهـا غـلـظ



حـــدرهْ ظـلـيـل ٍ مـايـطـرّف لـغـيــرهْ



والخـشـمْ مـاهـوْ سـلـةْ لـكـنْ يـســلْ



حـسـن ٍ تفاصـيـلـه ْ بـكـلّـه وفـيــرة



والفـم يطيـبْ مشاهـده ْ فـي سكوتـهْ



والـيــا تـكـلـمْ الـحـكـيْ يستـثـيـره !



شــربْ حـمــار ٍ والثـنـايـاْ تـبــارقْ



العـذبْ يخفـيْ والشهـدْ فــي جفـيـرهْ



والبطـنْ مجلـيْ والظهـرْ عقـدْ منظـومْ



والـعـودْ مثـنـىْ ثـنـيْ نـافـخْ لكـيـرهْ



ان وقفتْ يتعبْ ظهرهـا مـن الشيـلْ



وان قعـدتْ تتعـبْ مـن الارض ديــرةْ



وان زمّتْ الرمانْ وان ارختْ التينْ



واليا مشت ْ تظهـرْ مصايـبْ كثيـرةْ