ماجد ساوي

جـرح جديـد



ماجد ساوي



جـرح جديـد وتلـبـس النـفـس عــزة



. وش عاد لاصارت جروحك من احباب



يعنـي تقـل مـا كنـت تعطـي مـعـزة



. وتاخذ على وجهك من النـاس تـراب



مـن غـرزة جروحـك لسبعيـن غـرزة



. اصدقهـن اللـي صدقـك فيـه كــذاب



اشـــواق رغـبــة اشـتـيـاق وفـــزة



. واقع جدار ويحطـب الشـوق حطـاب



اشـواق واشــواق وتتـركـك (عــزة)



. قلـب مطشـر الـف عصفـور وغـراب



يامـضـرج بـدمــك ولا انـــت حـمــزة



. ليه المعارك وانت لاسيف ولا نشاب



مـا تبـت تسـوي مـن الجـوع خـبـزة



. وتبنـيـك ابــراج ٍ مواعـيـد الاســـراب



كوكـبـك مــن نـيـران والـنـور جـــزة



. خـل الـظـلام يـثـور بـوجـه الاغــراب



يـثــور شــعــر يـشـبــه الــبــزر رزّه



. الـدم الاسـود فيـه كـحـل لـلاهـداب



الشـعـر اخــر مملـكـة لـــك وعـــزه



. بـتـاج ٍ يـتـوج عـلـى عــرش كـتــاب



لـوحـه طـفـل زعــلان بـكــل حـــزة



. نـهـر ٍ شـجـر صـيـاد سنـارتـه نـــاب



الله لــلــي كـــــل ريـــــح ٍ تــهـــزّه



. ولا تنزعه لـو طـارت سيـوف برقـاب



لا لا تـغــيــر تـــــره شـيــطــان وزّه



. لو يدري وش داخلك ما سكـر البـاب



ياللـي تـزعـل هــات قلـبـي واحــزه



. واحـطـه بقـبـر ٍ تـمـرّه مـــع غـيــاب



هاتـي غيومـك تنـزع النـفـس عــزة



. الارض تمشـي لكـن الرجْـل تـرتـاب